[size=18]ليش انا فتح[/size]

أنا ابن فتح ما هتفت لغيرها فتحاوي .... فتحاوي ليش أنا فتحاوي ، احترت وما لقيت اجابة لسؤالي ، رحت سالت امي وقلتها ليش أنا فتحاوي؟ - قلتلي: بتتذكر يا يما الكوفية الي كانت بتحميك من برد الشتوية ؟ قلتلها بتذكرها يا يما أياما ما كنت بالكفولة ، قلتلي : فتحاوي وبحليب صدري رضعتك أيام الطفولة . وبعد ما عرفت اللى مخليني أحتار وبالليل وبالنهار، رحت قلت لستي عن اللى صار ، قلتلي يا ستى أنا ما ارضعتش من حليب أمي لأنها كانت بالأرض مدفونة ، قلتلها ليش انتي فتحاوية وموشحة راسك بالكوفية ، قالتلي : أنا يا ستى.... أنا يا ستى لمن كنت أبذر القمح كان مكتوب على السنابل فتح ، ومكتوب عالمي والملح فتـــح ، على ثوبي الفلاحي فتح ، على الطحونة ومفتاح الدار بالسما والأرض بالطول وبالعرض بتلاقي فتح ، كيف يا ستى ما بدك اياني ما اكون فتح.... رحت لسيدي ..... رحت لسيدي وقلتلوا أنتا فتح ، ما ردش غير كلمة نطق الحق بالفعل كان وقتها يأذن الصبح ، قلتلوا : طيب كيف يا سيدي صرت فتحاوي ، قالي يا سيد : لمن كنا نسمع حان الآن وقت الصلاة نفتح القرآن ، لقيت كلمة الفتح بالقرآن ، وكان شعارها زمان وفي كل مكان فتح في كل مكان ، بالفرح وبالكره بتلاقي فتح ، بحيفا وعكا وغزة ورفح بتلاقي فتح ، بمينا سدود بالسبع بالضفة بالاردن ، بليبيا بسوريا بعمان ، بتونس بالجزائر بمصر بلبنان، بتلاقي فتح ، بسما والغيوم بالليل والنجوم بتلاقي فتح ، كيف .... يا سيدي ما بدك اياني أكون فتح ؟؟؟؟ ما في حد بقى ما سألته بالدار..... ما في حد بقى ما سألته بالدار!!! أطلعت على صورة أبوي ، وجنب اسمه مكتوب الشهيد المغوار ، رحت لأمي وقلتلها عن اللى صار، قالتلي روح لأبوك بجاوبك ، قلتلها : أبوي استشهد !! بس قبل ما يموت ياما أعطاني تزكار ، أخذت التزكار وفيه موجود رقم 65 وشعار ، رحت لسيدي ....رحت لسيدي وقلتلوا ايش يعني 65 ، قالي : 65 كان لفتح الشرارة ، طيب يا سيدي والشعار : قلي عيلبون والكرامة ، يا سيد ... يا سيدي كرمال الأرض ورملها كرمال السبع وصخرها ، كرمال فلسطين واهلها ، كرمال فتح ورجالها ما تحكي هيك عن فتح ، اللى ما أله خير في فتح ما اله خير ببلده . يعني فتح عمرها ما بتموت .... يعني فتح عمرها ما بتموت ، وأنا بقول بعالي الصوت أنا فتحاوي ... أنا فتح ، أنا وأبوي وأمي وأخويا فتح ، الدار .... فتح النصر حليف فتح ، لأنوا في القرآن فتح ، ولك على كعب البارود فتح ، على الشبابة والعود فتح ، الآباء والجدود فتح ، والارض حتعود بأيدين فتح ، وما في حد وحدود لحب فتح ، التحدي والصمود يعني فتح ، مهما سمعني تحدي وردود حنظل فتح، لأنوا اهل الكرم والجود فـتح ، وما حد يسالني انتا ليش فتح ، قسما برب الارض اللى مالكها بطول وعرض ، وكل مسلم صلى سنة وفرض ، وبرب الكون اللى عينوا ما بتنام وركنوا ما بظام ، على درب الختيار لأسير ، ودرب الشهيد والأسير ، مدام دم الشهيد فتح ،وشمع العيد فتح ، الدم والوريد فتح ، ما بقدر اتخلي عن فتح ، في البحر .... الغواص فتح ، بالارض ... للرصاص فتح ،بالحرب... القناص قتح ، وبكفي نحكي عن فتح . مدام لسي بالسما طير ، لسى فتح بخير ، وفتحاوي أنا أبن فــــــــــتح

مشكور اخي الكريم وانا فتحاوى وبفتخر

مشكور اخي الكريم على الكلمات الجميلة يسلمو